Gazetari Erjon Skëndaj deklaroi se Sonatoriumi është thuajse plot me pacientë dhe se kapaciteti i urgjencës është gati maksimal në një transmetim në “News 24”.
“Në Sonatorium, nga data 15 nëntor, kanë nisur të vijnë përveç urgjencave të veriut të vendit, edhe urgjencat e Tiranës. Gjysmën e rasteve të rënda të të gjithë Shqipërisë e zë Tirana. Spitali është thuajse plot, urgjenca është në kapacitetet maksimale dhe para urgjencës, kishte 4 ambulanca, që kishin të sëmurë.
Kapaciteti i urgjencës ishte gati maksimal. Sonaturiumi po përjeton të njëjtën situatë që përpara datës 15 nëntor e kemi parë përpara Spitalit Infektiv. Një pjesë e urgjencave kanë kaluar nga Sonatoriumi tek Infektivi. Pas datës 15, numri i shtrimeve në Sonatorium, e kalon shifrën e 30 shtrimeve.
Në spitalin e Covid-3 ka 30 shtretër të lirë, është shtojcë e spitalit Covid-1. Në Covid-3 ka pasur edhe vdekje, pasi kishte pacientë që ishin në intubim”, theksoi Skëndaj.
e.h/DRONI.al/
