Strukturat e Policisë së Shtetit ka treguar angazhim maksimal për monitorimin e zbatimit të masave anticovid anë të një videoje të postuar në Facebook.
Policia e Shtetit ka filluar kontrollet për monitorimin e zbatimit të urdhrit të miratuar nga qeveria për mbajtjen e detyrueshme të maskës në ambjentet e jashtme si masë parandaluese e përhapjes së COVID-19.
Gjatë kontrolleve të bëra rezulton që shumica e qytetarëve i kishin vendosur maskat mbrojtëse.
Në rastet që qytetarë nuk kishin maska ose i kishin por nuk i vendosnin në fytyrë, shërbimet e Policisë i kanë këshilluar ata për vendosjen e tyre, por edhe kanë vendosur gjoba për qytetarët që nuk kishin vendosur maskat e as nuk i kishin me vete.
Në të gjithë territorin e Shqipërisë janë vendosur 171 gjoba me vlerë 3.000 lekë secila e kontrollet dhe vendosja e gjobave nga Policia do vazhdojnë dhe ditët në vazhdim në të gjithë vendin.
Policia e Shtetit falënderon qytetarët që respektojnë masën mbrojtëse dhe apelon për vendosjen e tyre në ditët në vazhdim.
https://www.facebook.com/policiashtetitshqiptar/videos/779829219259691/
/DRONI.al/
