Para gjykatës, dy shqiptarë kanë pranuar se kanë kultivuar kanabis, pasi një kapanon “një milion paund” u gjet në pjesën qendrore të Ëhitehaven – afër stacionit të policisë së qytetit.
Dy shtetasit shqiptarë Xhon Leka, 28 vjeç dhe 39-vjeçari Gjergji Braculla u akuzuan pasi oficerët zbuluan një fermë të madhe kanabisi gjatë orëve të para të 24 majit.
Kur dy shqiptarët u paraqiten në gjykatë të nesërmen, prokurori tha në një fjalim drejtuar magjistratëve se “Policia thotë se kishte 1.300 bimë kanabis në atë adresë dhe sugjerojnë se fabrika e bandës së krimit të organizuar kishte një vlerë prej një milion paund”.
Ata u deklaruan fajtorë për prodhimin e kanabisit.
Seanca dëgjimore u shty, ndërsa prokurori Charles Brown i tha gjykatës: “Ne presim disa prova të mëtejshme në lidhje me vlerësimin e drogës para se të vazhdojmë dënimet”.
Seanca e radhës për të dy shqiptarët do zhvillohet më 21 gusht, ndërsa po mbahen në paraburgim.
