Këngëtarja me famë botërore, Bebe Rexha ishte në Shqipëri këtë javë për të qenë pranë banorëve të prekur nga tërmeti në zonën e Bubqit dhe në zonën e Bizës.
Por Bebe gjeti kohë herë të parë për të dhënë një intervistë në ekranin shqiptar!
E ftuar në emisionin “Lart e Poshtë” të Eraldo Rexhos në RTSH, me gazetarin Andi Vrapi, Bebe iu përgjigj një sëri pyetjesh lidhur me jetën e saj personale dhe karrierën.
E pyetur nga gazetari nëse prindërit apo familjarët i thonë “ardhsh me një burrë të mirë” sa herë vjen në Shqipëri, ajo përgjigjet: “Në fakt jo, këtë herë erdha shumë shpejt… por nëse këtu ka ndonjë djalë shqiptar beqar… më telefono!”.
“Unë e dua shumë kulturën time… prandaj dua të gjej një djalë shqiptar por që është shumë e vështirë në Amerikë!”, – tregoi Bebe, e cila e pyetur për dasmën u shpreh: “Unë dua një dasmë që zgjat 5 ditë, me lodra e tupana!”
Intervistën e parë në Shqipëri të Bebe Rexhës e gjeni në linkun e mëposhtëm:
https://youtu.be/OdO1Q-mGues
