Një vrasës i dënuar në listën e më të kërkuarve nga Interpoli është arratisur pasi u lirua me kusht, teksa ishte në pritje të ekstradimit.
Hektor Mahmutaj, 43 vjeç, i cili kishte shkuar në Mbretërinë e Bashkuar i fshehur në një kamion, kërkohet në Shqipëri ku edhe ka lindur, pasi është dënuar me 25 vite burg për vrasjen e një fermeri, shkruan gazeta britanike “Express”.
Gazeta shkruan se në tetor të vitit që lamë pas, gjyqtari Tan Ikram vendosi në gjykatën e magjistratëve në Westminster se Mahmutaj duhet të ekstradohet në Shqipëri.
Megjithatë, pavarësisht se Mahmutaj kishte një varg dënimesh në Britani të Madhe, duke përfshirë posedimin e armëve të zjarrit, ai e liroi atë me kusht.
Në këtë kohë, rasti i tij iu referuar sekretarit të brendshëm Sajid Javid për një vendim përfundimtar sepse Mahmutaj është shtetas jo i BE-së.
Javid mbështeti vendimin në fund të vitit të kaluar, duke hapur rrugën për ekstradimin e tij.
Që nga ajo kohë, Mahmutaj ka shkelur kushtet e lirimit me kusht dhe nuk është bërë i mundur vendimi i ekstradimit. Vendndodhja e tij aktuale nuk dihet.
Mahmutaj është dënuar për vrasje, por e mohon akuzën. Ai pritet t’i nënshtrohet një rigjykimi kur të ekstradohet në Shqipëri, sepse gjyqi i parë është zhvilluar në mungesë.
Një zëdhënës i zyrës së “Home Office” tha: “Sekretari i Shtetit nënshkroi urdhrin e ekstradimit për Z. Mahmutaj në fund të vitit të kaluar dhe ne vazhdojmë të kërkojmë ekstradimin e tij.
“Vonesa në këtë rast është se Mahmutaj mungon pasi nuk i është përmbajtur kushteve të lirimit me kusht”.
Fotoja e parë kur ka kryer vrasjen
Mahmutaj, i cili pretendon se ekstradimi do të shkelte të drejtat e tij njerëzore, është në listën më të kërkuarve të Interpolit për akuzat për vrasje me paramendim dhe prodhimin dhe posedimin e armëve ushtarake dhe municioneve.
Ai u dënua me 25 vjet burg pasi qëlloi mbi fermerin Gentjan Jahaj i vdekur në Shqipëri në korrik të vitit 1997.
