Një goditje e rëndë i ka ndodhur ditën e sotme futbollit shqiptar në Kosovë teksa bëhet e ditur se ka ndërruar jetë në moshë të re 28-vjeçari, Fidan Gashi.
Gashi ishte futbollist i skuadrës së Drenicës, por aksidenti tragjik ia ka marrë jetën. Me anë të një postimi, klubi i Drenicës shkruan:
“Me pikëllim të thellë morëm lajmin për vdekjen e ish-futbollistit tonë, Fidan Gashi. Ai ishte futbollist i KF Drenica para disa vitesh dhe dha kontribut për klubin afro 5 vite në grupmosha të ndryshme të klubit. Në emër të Kryesisë së KF Drenica, shtabit teknik, menaxhmetit, futbollistëve dhe të gjithë dashamirëve të klubit, shprehim ngushllimet më të sinqerta për familjen të afërmit, miqtë dhe të gjithë ata që e njohën të riun Fidan Gashi i cili humbi jetën tragjikisht. U prefsh në paqe Fidan, ngushëllime”
