Një eksponent i rëndësishëm në politikën meksikane është ekzekutuar ndërsa bënte selfie me mbështetësit e tij.
Kjo ka ndodhur në Piedra Negras, ku Fernando Puron, një politikan meksikan dhe ish-kryebashkiak i qytezës, kishte mbajtur një miting e menjëherë pas tij u sulmua dhe u vra, pikërisht në momentin kur po bënte një selfie me mbështetësit e tij.
Një burrë i afrohet, sikur donte ti kërkonte diçka, dhe e vret me gjakftohtësi, me një plumb në kokë. Puron, ishte i njohur në Meksikë për angazhimin e tij në luftën kundër krimit të organizuar në vend, veçanërisht kundër kartelit Zeta, që kontrollon trafikun e drogës.
Fernando Puron ka qenë kryebashkiak i qytetit Piedra Negras, nga viti 2014 deri në 2017.
