Një kompani japoneze po e dërgon teknologjinë e dronëve në një tjetër nivel.
Ata kanë krijuar një çadër autonome që ndjek përdoruesin e saj, duke i qënduar sipër kokës.
Free Parasol përdor një aparat fotografik dhe inteligjencën artificiale për të sinjalizuar dhe ndjekur përdoruesin e çadrës ndërsa ecën në rrugë.
Teknologjia është vënë në përdorim me anë të disa dronëve, raporton Daily Mail.
Paisja ndihmon dikë që mund të dëshirojë ti ketë duart e lira për tu marrë me diçka tjetër si përdorimi i telefonit, ndërsa çadra qëndron sipër kokës dhe është e dobishme si në shi ashtu edhe në diell.
Deri tani çadra me dron peshon 4.9 kg dhe ka një kohë fluturimi prej 20 minutash.
Por dizenjuesit e pajisjes janë të bindur se mund të zvogëlojnë peshën vetëm në 0.9 kg dhe mund të rrisin kohën e fluturimit në 1 orë ose më shumë.
Megjithatë, kohëzgjatja e fluturimit do të varet nga moti dhe ndikohet nga shirat e erërat e forta.
Free Parasol pritet të jetë në dispozicion në treg në vitin 2019, me një çmim prej 275 dollarë.
