Kryetari i PD-së Lulzim Basha e ka dënuar me rreptësi, goditjen nga Policia, të kryeredaktorit të RD-së, Blendi Kasmi, i cili, i përgjakur, u dërgua për kurim në Spitalin e Traumës.
Basha, nga selia e PD-së, deklaroi se mjaft punonjës policie “ju përmbajtën ligjit, por disa prej tyre ngritën dorë ndaj protestuesve dhe plagosën duke përfshirë kryeredaktorin e Rilindjes Demokratike, gazetarin Blendi Kasmi.
Ky është një turp i paparë dhe përgjegjësinë për këtë e ka Edi Rama dhe Agron Fatmir Xhafaj, të cilët do t’i mbajmë përgjegjës për aktet e dhunës ndaj protestuesve.
Asgjë nuk e ndal marshimin tonë për Shqipërinë si gjithë Europa.
Këto akte burracake tregojnë se orët e Edi Ramës dhe Fatmir Xhafajt dhe kupolës mafioze janë të numëruara”, tha Basha.
Kryetari i opozitës Lulzim Basha, sapo ka dhënë mesazhin përmbyllës të protestës nga selia blu, është nisur menjëherë drejt Spitalit Ushtarak ku është shtruar kryeredaktori i RD-së, Blendi Kasmi, i dhunuar nga Policia.
https://www.facebook.com/partiademokratike/videos/10156321275189909/
