Ashtu siç ishte paralajmëruar mbështetës të Partisë Demokratike dhe deputetë të kësaj force janë mbledhur para Ministrisë së Brendshme për të kërkuar dorëheqjen e ministrit të Brendshëm Fatmir Xhafja, i cili thuhet se u përgjua në një bisedë me një trafikant droge.
Pasi nisi e qetë dhe me parulla kundër qeverisë, protestuesit kanë vendosur disa parulla te dera e ministrisë.
Situata është tensionuar dhe ka pasur përplasje me policinë, sidomos në momentin kur kryeministri Rama deklaroi se: “Nuk e lëshonte Fatmirin si Saimirin”. Protestuesit kanë kërkuar të futen në oborrin e ministrisë që t’i bëjnë thirrje të drejtpërdrejta ministrit që të dorehiqet.Ata janë përplasur me Policinë, teksa kanë tentuar që të vendosin pako ‘kokaine’ në mënyrë simbolike.
Protestuesit kanë qëlluar me vezë ndaj mureve të ministrisë së Brendshme.
Demokratët kanë paralajmëruar se protesta do zgjasë për dy orë. Protestuesit me pankarta në duar që kërkojnë dorëheqjen e ministrit XHafaj mbështeten edhe nga përfaqësuesit e PD, Edi Paloka, Belind Këlliçi etj.
https://www.facebook.com/partiademokratike/videos/10156296476104909/
