Të shtëna me armë zjarri janë regjistruar pak më parë në zonën e Laprakës në Tiranë.
Sipas burimeve paraprake, si pasojë e të shtënave, dy persona kanë mbetur të plagosur. Ata janë dërguar për ndihmë mjekësore dhe, sipas informacioneve të para, ndodhen jashtë rrezikut për jetën.
Nuk dihen ende rrethanat e plota të ngjarjes dhe motivet që kanë çuar në përdorimin e armës së zjarrit.
Policia ka mbërritur në vendngjarje dhe ka nisur hetimet për zbardhjen e saj, ndërsa po punohet edhe për identifikimin dhe kapjen e autorit ose autorëve të dyshuar.m,k
DETAJET/ Më datë 08.09.2026, rreth orës 21:20, janë paraqitur në spital, të dyshuar të plagosur me armë zjarri shtetasit B. D., rreth 39 vjeç, dhe D. T., rrerh 35 vjeç, jashtë rrezikut për jetën .
Nga informacionet paraprake, dyshohet se ngjarja ka ndodhur në zonën e “Fushës”, në Laprakë.
Shërbimet e Policisë, pas marrjes së njoftimit, kanë shkuar menjëherë në vendngjarje dhe po kryejnë veprimet e nevojshme hetimore për sqarimin e rrethanave të ngjarjes, identifikimin dhe kapjen e autorit/autorëve.
