Një vendim që mori një gjykatë në SHBA mund të sjellë një tronditje të madhe të njerëzve me raportin e tyre ndaj kafesë. Një gjykatë në këtë vend ka vendosur që kafeja të konsiderohte ashtu si duhani, kancerogjene.
Ky vendim u mor nga një gjyqtar pas një padie kundër “Starbucks” dhe kompanive të tjera, të akuzuar se kanë shkelur ligjin e këtij shteti që i detyron të paralajmërojnë konsumatorët për praninë e substancave kimike në produktet e ofruara që mund të shkaktojnë kancer.
Në rastin e kafesë, gjatë pjekjes në temperatura të larta prodhohet një substancë që quhet akrilamid, që bën pjesë në listën e produkteve që konsiderohen kancerogjene.
