Një aksident i rëndë ka ndodhur rreth orës 12:08, në aksin rrugor Shkodër-Koplik, në vendin e quajtur ish-SMT Dobraç. Shërbimet e policisë që kanë shkuar në vendngjarje kanë konstatuar se një motor është perplasur me një biçikletë, dhe si pasojë ka mbetur i demtuar rëndë drejtuesi i motorrit Gj. P. 72 vjeç banues në Malësi e Madhe. I plagosuri është dërguar për të marrë ndihmën mjekësore në Spitalin Rajonal Shkodër.
Në këtë aksident kanë mbetur e lënduar, por jashtë rrezikut për jetën edhe shtetësja L. P. 62 vjeçe pasagjere në motorr. Edhe drejtuesi i biçikletës R. Q. 65 vjeç banues në Dobraç Shkodër, po mërr mjekimin e nevojshëm në Spitalin Rajonal Shkodër. Ndërkohë po kryhen veprimet me grup hetimor për sqarimin e rrethanave të aksidentit.
