Gazetarja: Ju tregoj dy raste të paktën, kur Saimir Tahiri i ka bërë presion Adriatik Llallës

Gazetarja e TV Klan, Anduena Llabani, ka zbuluar fakte konkrete, për presionin politik, në të cilin ndodhen jo vetëm prokurorët, por edhe vetë Kryeprokurori Adriatik Llalla.
Në mbrojtje të argumentit, në debatin me kolegë në emisionin “Studio e hapur”, të Eni Vasilit në TV “Neës 24”, Llabani, ka zbuluar të paktën dy raste, kur personi që “ka bërë presion”, ka qenë Saimir Tahiri.
“Kam pasur rast ta takoj dy herë Prokurorin e Përgjithshëm në zyrën e tij. Dhe në të dy raste e ka marrë Saimir Tahiri në telefon. Ai ka dalë në paradhomë dhe ka folur. Kur është kthyer në zyrën e tij, Prokuroi i Përgjithshëm ‘ka qenë njeri tjetër’”, është shprehur gazetarja Anduena Llabani. DRONI.al