I pyetur në “Top Story” për marrëdhënien e tij me Presidentin Meta, Rama vlerëson se ish-kreu i LSI do ta zhvillojë detyrën e tij të re institucionale më së miri.
“Nuk i druhem fare të ardhmes në aspektin e rolit të Metës, sepse duke e njohur ja di edhe dallgën që e çon në fatkeqësi, ja di edhe sensin e përgjegjshmërisë për të kryer detyrën”, u shpreh kryeministri.
Por Rama shton se beson se si President, Meta, do të jetë shumë më i mirë si kryetar Kuvendi, për të cilën e vlerësoi vetëm për faktin se linte të lirë Berishën të fliste sa kohë dhe herë të donte në Parlament.
“Besoj që do të jetë si President shumë më i mirë si kryetar Kuvendi, që ka vetëm një meritë që i dha liderit legjendar mundësinë që të flasë në katër vjet, aq sa do t’i ishin dashur me një kryetar Kuvendi si Gramozi për 40 vjet”, tha Rama.
Rama: Meta President, më i mirë se Kryetar Kuvendi
