Përfundimi i votimit për zgjedhjen e Gramoz Ruçit, kryetar Kuvendi, është shoqëruar me debate të ashpra e të forta, për shkak të dy votave “pro” të opozitës për këtë kandidaturë.
Megjithëse votimi ishte i fshehtë, mediat por edhe komentuesit e shumtë në rrjetet sociale, nxituan “të vënë gishtin” mbi deputetët e PD-së, si “tradhtarë”.
Por, nxitimi për të baltosur PD-në, në kushtet e një votimi të fshehtë dhe të mungesës së “provave”, tingëllon më shumë si një diversion ndaj PD-së dhe Lulzim Bashës, diversion i shpërndarë nga mediat, dhe amplifikuar nga njerëz me inate të mëdha, që mbetën jashtë listave të PD, për deputetë.
Mjafton një analizë e thjeshtë, që askush deri tani nuk e ka bërë për të mos përjashtuar dhe pse jo, pranuar e pohuar se ato dy vota, nuk janë të PD-së.
Por të kujt janë?
PS: 84 vota
PDIU: 3 vota
Tom Doshi: 1 vote
PBDNJ (Vangjel Dule): 1 vote?
PDK (Nard Ndoka): 1 vote?
PR (Fatmir Mediu): 1 vote?
Pra, për ata që “kur harrojnë, nuk mbajnë mend”, mund të kujtojmë se nën logon e deputetëve të PD-së, janë të paktën tre kryetar partish të tjera, dy prej të cilëve (Vangjel Dule e Nard Ndoka) kanë dhënë prova se kanë pasur marrëdhënie me PS-së, përtej flirtimit.
Përpos kësaj, në qoftë se do marrim të mirëqenë se ato dy vota “pro” Gramoz Ruçit janë të PD-së, pse të mos artikulojmë pyetjet… “pse duhet ta bënin dy deputetët e PD-së këtë?”…, apo edhe pyetjen tjetër “po PS dhe Gramoo Ruçi, a kishin nevojë për ato vota”. DRONI.al
