Dy kandidatët për kreun e PD-së, kanë vijuar garën e tyre sot, me takime të ndryshme. Ndërsa Lulzim Basha ka takuar anëtarët e PD-së në Fier e Lushnjë, Eduard Selami takimet e tij i ka vijuar në Lushnjë dhe Tiranë.
Megjithëse dy kandidatët kishin planifikuar takime në Lushnjë sot, ata kanë shmangur ballafaqimin midis tyre, në Kinoteatrin “Vaçe Zela”, duke zhvilluar takimet në orare të ndryshme.
Në këto takime morën pjese dhe deputetët e Qarkut te fierit , Genc Pollo dhe Myslim Murrizi.
Eduard Selami
Fillimisht, në orën 18.30 ka qenë Eduard Selami që takoi demokratët e Lushnjës.
Përpara anëtarësisë së PD-së ai foli për platformën e tij, sipas të cilit, duhet të riorganizohet PD, si edhe ndarja e përgjegjësive e marrja e vendimeve duhet ti takojnë Kryesisë dhe Këshillit Kombëtar.
“Roli i kryetarit është të dëgjojë dhe mbrojë interesat e demokratëve. Ne rast se humbet një palë zgjedhje Kryetari detyrimisht duhet të japë dorëheqjen. Kjo është një qasje me pluralizmin e mendimit por dhe i shërben bashkimit të demokrateve”, u shpreh Selami.
Lulzim Basha
Në orën 19.30 ka qenë Lulzim Basha i cili vazhdoj turin e tij sot në Lushnjë, pas takimit që zhvilloi në Fier.
Në fjalën e tij përpara demokratëve të Lushnjës, Basha i vuri rëndësi bashkimit të vërtetë të demokratëve duke sjell si shembull Kavajën, “ku të bashkuar fitohet ndaj cdo bande. Aksioni opozitar do të vijojë ndaj demokracisë e cila është në rrezik. Kjo është emergjente dhe shembulli më i qartë ishin këto zgjedhje me rezultat fiktiv dhe votë të deformuar”, u shpreh Basha.
“Organizimi i strukturave dhe fryma se Partia Demokratike do të ndryshojë gjendjen e mjeruar të shqiptareve, do të jen primare në programin tim nëse do të dal fitues në këtë garë brenda familjes blu”, vijoi më tej Basha. DRONI.al
