Një alarm për bombë ka vënë në lëvizje mëngjesin e sotëm strukturat e sigurisë pranë ambienteve të SPAK dhe GJKKO-së në Tiranë.
Pamjet e siguruara nga vendngjarja tregojnë forcat e specializuara duke kryer kontrolle në ambientet përreth godinës. Në video shfaqet edhe një qen i trajnuar për zbulimin e lëndëve eksplozive, i cili përdoret gjatë kontrollit të zonës.
Efektivët shihen duke lëvizur në hapësirat pranë godinës dhe duke kontrolluar me kujdes ambiente të ndryshme, ndërsa zona vijon të jetë nën masa sigurie.
Kontrollet janë kryer pas sinjalizimit për një alarm për bombë në ambientet e institucioneve të drejtësisë.
Deri në këto momente nuk ka të dhëna nëse është konstatuar ndonjë lëndë eksplozive, ndërsa kontrollet vijojnë për të përcaktuar nëse bëhet fjalë për një kërcënim real apo alarm të rremë.
Ngjarja vjen vetëm një ditë pas arrestimit të Ergys Agasit nga SPAK dhe strukturat operacionale të Policisë së Shtetit, në kuadër të operacionit “The Wanted”.a.b
