Presidenti amerikan Donald Trump ka zhvilluar takimin e parë zyrtar me homologun rus, Vladimir Putin në Hamburg të Gjermanisë, në kuadër të samitit të G20. Takimi vjen pas shtrëngimit të duarve që patën më herët dy liderët.
“Është nder që jam me ju”, tha Trump fillimisht, ndërsa Putin iu përgjigj…
“Kënaqësi që takohemi”, raporton BBC.
Pas takimit, Donald Trump tha se me presidentin Putin ka biseduar për tematika të ndryshme duke përfshirë edhe përmirësimin e marrëdhënieve mes dy vendeve.
“Me presidentin Putin kemi diskutuar tema të ndryshme. Presim të ndodhin gjera pozitive për SHBA-në dhe Rusinë”, tha Trump.
Ndërkohë edhe presidenti rus ka shprehur kënaqësinë për takimin, ndërsa ka thënë se për çështjet e rëndësishme ka folur në telefon me Donald Trump.
FOTO/ Trump dhe Putin zhvillojnë takimin e parë zyrtar mes tyre
