Këshilli i Ministrave ka miratuar vendimin për pezullimin e punimeve të ndërtimit dhe të të gjitha aktiviteteve të lidhura me to në zonat turistike gjatë sezonit turistik 2026.
Sipas vendimit, pezullimi hyn në fuqi menjëherë pas botimit të aktit dhe do të zgjasë deri më 15 shtator 2026. Masa synon të shmangë zhvillimin e punimeve gjatë kulmit të sezonit turistik, duke garantuar kushte më të përshtatshme për pushuesit dhe mbarëvajtjen e aktivitetit turistik në vend.
Vendimi u miratua në mbledhjen e kësaj të enjteje të Këshillit të Ministrave, si pjesë e paketës së akteve të miratuara nga qeveria.
