Trupat irakiane kanë konfiskuar rrënojat e xhamisë së madhe të Mosulit nga ISIS, tha ushtria në një njoftim, duke deklaruar se mbretërimi i ekstremistëve në vend ka mbaruar.
“Shteti i tyre fiktiv ka rënë,” tha zëdhënësi i ushtrisë gjeneral brigadier Yahya Rasool për televizionin shtetëror të enjten, tri vite pas udhëheqësi i ISIS, Abu Bakr al-Baghdadi deklaroi krijimin e të ashtuquajturit kalifat nga i njëjti vend.
Grupi ekstremist shkatërroi xhaminë e shekullit të 12-të të al-Nuri javën e kaluar pasi u bë e qartë se forcat irakiane të mbështetura nga SHBA kishin nisur avancimin në drejtimin e saj. Flamuri i zi kishte fluturuar nga minarja e al-Hadba që nga qershori 2014, kur ekstremistët arritën të kapnin një të tretën e Irakut, pasi u përhapën përgjatë kufirit nga Siria.
Gjeneral lejtnant Abdul Ëahab al-Saadi i tha së Associated Press se trupat speciale hynë në kompleks dhe morën kontrollin e rrugëve përreth të enjten pasdite pas një ofensive sulmuese.
Vendi do të duhet të pastrohet nga ekspertët e eksplozivëve, pasi ISIS shpesh ngre kurthe në zonat ku tërhiqet.
Ndërsa rreth 300 militantë ende po luftojnë për vdekje në rrethin e Qytetit të Vjetër, autoritetet e Irakut presin që beteja tetë-mujore të përfundojë brenda ditëve të ardhshme. Isis tani ka një zonë nën kontroll në anën perëndimore të Lumit Tigër, me një hapësirë më pak se 1 km katror.
