Një shqiptar, do të duhet të vuajë 11 vite burg.
Ai është cilësuar nga policia londineze si “baron droge”, pasi kishte mundur të fuste në Angli një sasi kokainë të pastër me vlerë shitje në rrugë 1.25 milionë stërlina.
Pas një hetimi disa mujor policia zbuloi se Thanas Qarri, 37 vjeç, lindur në Vlorë, kishte përdorur shtëpinë e tij si vend magazinimi droge.
Nga procesi gjyqësor u mësua se Qarri kishte importuar nga Italia 16 kilogramë kokainë të pastër.
Shqiptari kishte ndërtuar një rrjet të tërë shpërndarësish, të cilët mbulonin zona të ndryshme në Londër dhe më pas ia çonin klientëve.
Gjykatësja Judith Coello, duke i lexuar shqiptarit Qarri masën e dënimit tha se ai, së bashku me të tjerë persona kishin krijuar një rrjet të fuqishëm importi droge nga Italia dhe më pas shpërndarje në kryeqytetin britanik.
