Krenaria e sportit kosovar, Majlinda Kelmendi, ka fituar medaljen e artë në Kampionatin Evropian të xhudos që po mbahet në Varshavë, e të cilin RTK po e transmeton ekskluzivisht.
Në finale, Majlinda e mposhti me Ippon, rusen Alesya Kuznetsova.
Xhudistja kosovare rrethin e parë e kishte kaluar pa luftë, në të dytin e kishte mundur britaniken Chelsie Giles, e në atë të tretë zviceranen Evelyne Tschopp. Ndërkaq, në gjysmëfinale e Majlinda e mposhti portugezen Joana Ramos.
Në finale, kampionia evropiane, botërore dhe olimpike luftoi e qetë dhe fillimisht e fitoi një wazari, kurse më pas arriti ta përplasë për dysheme rusen, duke fituar me plot meritë medaljen e artë.
VIDEO/ Majlinda Kelmendi tjetër medalje të artë si kampione e Europës
