Itali, arrestohet shqiptari, shpërndarësi më i madh i drogës

Operacioni “Abbuffata 2016” i karabinierisë së Egna ka vënë
Një shqiptar është vënë në pranga në Itali. Policia e Egna-s, gjatë operacionit “Abbuffata 2016”, vuri në pranga 37-vjeçarin një nga shpërndarësit më të fuqishëm në qytet.
Policia ka dhënë detaje se si u zbuluar shpërndarësi shqiptar.
Sipas medieve italiane, mësohet se në tetor 2016, në fakt, policia ndërhyri për të shpëtuar një njeri që kishte marrë një mbidozë kokaine. Kujdesi intensiv ndaj tij në dhomën e urgjencës së spitalit San Maurizo në Bolzano për t’i shpëtuar jetën të droguarit, shtyu policinë për të hetuar se ç’lloj droge kishte përdorur pacienti.
Në raportin që u lëshua nga mjekët u shfaq diagnoza “substancë qejfi” prej nga mori emrin edhe operacioni “Abbuffata 2016”.
Policia nisi pas kësaj një operacion të madh prej nga zbuloi trafik droge në sheshin e Bolzanos dhe arrestoi 11 persona. Ky ishte operacioni që zbuloi fenomenin e heroinës që tymosej nga të rinjtë në sasi të mëdha.
Hetimet e para e çuan policinë në gjurmët e një shqiptari 37 vjeç me iniciale L. M. banor në Appiano që kishte marrëdhënie të shumta me përdoruesit e substancës së mahnitshme. Klientët e drogës së tij ishin të të gjitha moshave, profesioneve dhe gjendjes ekonomike.  Çdo dozë droge shitej 100 euro. Në një javë, shqiptari fitonte 2800 euro dhe në një muaj, 12 400 euro.