Qëllon për vdekje fëmijën 7-vjeçar me thikë, shqiptarja hidhet nga ballkoni

Një ngjarje e rëndë ka ndodhur ditën e djeshme në Torino të Italisë, ku një nënë shqiptare ka qëlluar disa herë me thikë djalin e saj 7-vjeçar.
Pas këtij veprimi makabër, nëna ka dalë në ballkon dhe është hedhur prej andej duke gjetur vdekjen. Ndërkohë, fëmija 7-vjeçar ka shpëtuar, por është në gjendje të rëndë në spital.
Mësohet se fëmija ka dëmtime në duar dhe në bark, pasi ka tentuar që të mbrohet nga goditjet me thikë të nënës së tij.
Mediat italiane shkruajnë se gruaja bashkëjetonte me një italian, me të cilin ishin ndarë së fundmi dhe mendohet se ky ka qenë edhe shkaku që ajo të tentojë të vrasë fëmijën.