DETAJET/ Presidenti francez Hollande do të vijë në Tiranë

Kryeqyteti shqiptar do të vizitohet nga presidenti francez, François Hollande i cili pritet të takohet me autoritetet më të larta të vendit.
Hollande do të mbërrijë më datën 3 mars, datë kjo për të cilën është rënë dakord nga të dyja palët. Sipas burimeve ekskluzive bëhet e ditur se data në fjalë është negociuar prej muajsh.
Kjo është vizita e parë e një presidenti francez në vendin tonë.
Dy vite më parë Shqipëria u përfaqësua denjësisht në homazhet për sulmet terroriste në Paris duke lënë përshtypje jo vetëm tek autoritetet vendase, por edhe mediat ndërkombëtare.
Vetë presidenti francez ka deklaruar prej kohësh mbështetjen e tij të plotë për integrimin e Shqipërisë në BE dhe reformën në Drejtësi.