Alarm në një qendër në Berlin, dyshohet për sulm terrorist edhe në Moskë

Policia gjermane ka rrethuar me kordon një zonë përreth një qendër tregtare në Berlin pas raporteve se aty dyshohet të jetë një pako e dyshimtë.
Trafiku në këtë zonë është devijuar, ndërsa trenat nëntokësore dhe tramvajet kanë ndërprerë udhëtimin, raportojnë mediat gjermane.
Sakaq, edhe në Rusi raportohet per dhjetëra persona të plagosur si pasojë e një shpërthimi të fuqishëm në metronë e Moskës.
Mediat ruse ende nuk raportojnë për viktima. Shpërthimi thuhet se ndodhi në Stacionin e Metrosë Kolomenskaya, mëngjesin e sotëm dhe dyshimet paraprake flasin për një akt të mundshëm terrorist, por autoritetet zyrtare ende nuk e kanë konfirmuar faktin.
Paraprakisht ka edhe dyshime se shpërthimi mund të ketë ardhur si pasojë e një rrjedhje gazi. Por nga të dhënat e deritanishme asgjë nuk mund të thuhet me siguri.
Zjarr dhe shtëllunga tymi janë filmuar nga kalimtarët.
Si pasojë e shpërthimit është bllokuar trafiku për disa orë, ndërsa në vendngjarje ka mbërritur zjarrfikëset dhe policia.
Vrasja e ambasadorit rus në Ankara i ka shtuar edhe më shumë masat e sigurisë në Rusië, nga frika e akteve të mundshme terroriste, veçanërisht pas paralajmërimeve publike të ISIS.