Gjermania është tronditur sërish nga një sulm tronditës, shkruan “The Sun”. Pas sulmit terrorist në Berlin, në një dyqan në Wiesbaden ka mbetur një person i vrarë dhe dy të tjerë janë plagosur.
Sipas mediave gjermane, mbrojtësi i Dynamo Dresden, Marc Wachs, ka mbetur i plagosur pas një sulmi me armë, nga i cili mbeti e vdekur halla e tij dhe i plagosur burri i hallës së tij.
Siç shkruan “Bild”, ai është dërguar me urgjence ne spital dhe i është nënshtruar një operacioni.
“Ne jemi të tronditur, të habitur dhe të prekur thellë. E gjithë familja e Dynamos qëndron krahë Markut dhe familjes së tij “, ka thënë drejtori sportiv i Dresden, Ralf Minge, nëpërmjet faqes zyrtare të klubit.
Zëdhënësi i policisë, Markus Hoffmann ka konfirmuar për “Bild” se janë në kërkim për dy të dyshuarit, të moshës mes 20 dhe 30 vjeçare.
“Motivi i këtij akti është i paqartë. Ne jemi tani në kërkim të autorëve, madje edhe duke përdorur helikopterë.”, ka theksuar ai.
Ngjarja
Autorët e dyshuar
Sipas “Bild”, një person kishte shtënë me armë zjarri rreth orës 8.40 te mëngjesit ndaj dyqanit që shet gazeta dhe cigare.
Zëdhënësi i policisë, Markus Hoffmann tha se rrethanat e ngjarjes janë ende të paqarta.
