Policia italiane arrestoi në Milano dy shqiptarë të cilët prodhonin pasaporta dhe leje qëndrimi false për klandestinët
Një rrjet i mirëfilltë për të furnizuar të dhëna false për klandestinët që jetojnë në Itali.
Në qendër të këtij rrjeti ishin dy 45-vjeçarë shqiptarë të cilët në Milano në disa apartamente të transformuara në shtypshkronja prodhonin dokumente false, si leje qëndrimi dhe pasaporta, por dhe riciklonin dokumente të vjedhura.
Hetuesit e Milanos që në muajin gusht po monitoronte dy të dyshuarit pas arrestimit të një grupi marokenësh të cilët ishin në gjendje të prodhonin çdo lloj dokumenti për klandestinët në Itali.
Hetimet janë përmbyllur të premten kur një 31-vjeçar maroken u arrestua në Sicilia, dhe menjëherë pas marrjes në pyetje policia ndërmori një sërë kontrollesh, gjatë të cilave u arrestuan dhe dy shtetasit shqiptarë.
Përveç pasaportave, dhe lejeve të qëndrimit shqiptarët falsifikonin dhe etiketa e blloqe çeqesh. Materiali i sekuestruar po analizohet nga ekspertët e policisë.
Milano, shkatërrohet fabrika e falsifikimeve, dy shqiptarë në pranga
