Një histori e pazakontë familjare është shënuar në një familje në periferi të kryeqytetit. Dy të rinj të martuar 4 vite më parë, prej disa muajsh kishin patur mosmarrëveshje të vazhdueshme.
28 vjeçari D.M nga Laçi në momentin që është martuar me 22 vjeçaren G. M nga Kukësi ka vendosur të marrë mbiemrin e bashkëshortes por vetëm pak muaj më vonë e ka dhunuar në mënyrë sistematike, raporton tvklan.al .
Shtetasja me inicialet G. M ka sqaruar në polici dhe në gjykatë se e ka duruar dhunën e burrit duke mos e denoncuar me shpresën se ai do përmirësohej dhe do mbante familjen.
Sipas saj, dhuna ka qenë si fizike dhe psikologjike madje dhe në sy të vajzës së mitur 2 vjeçare e cila në një rast është bërë nga pakujdesia preh e dhunës së 28 vjeçarit.
Sipas Gjykatës paditësja shfaq ndjenja frike dhe ankthi sapo kthehet i padituri në banesën ku ajo ka jetuar me familjarët e të paditurit, pasi vetë I padituri shpesh herë është I larguar nga banesa.ai herë pas here shkon jashtë shtetit, nuk rri shumë në banesë, është i papunë, por sapo kthehet në banesë e shqetëson shumë, e dhunon atë.
E dëmtuara në incidentin e fundit të shënuar në fillim të muajt Nëntor është larguar për në drejtim të banesës së prindërve të saj në Kamëz ku dhe është strehuar.
Në këtë situatë ka bërë denoncimin në Komisariatin nr.5 në Tiranë, duke kërkuar edhe urdhër të menjëhershëm mbrojtjeje, për veten e saj dhe për fëmijën e mitur.
Paditësja deklaroi para gjykatës se është e mërzitur për jetën për shkak të dhunës së vazhdueshme
I padituri D.M menjëherë pasi ka marrë dijeni për kërkesën për lëshim të urdhërit të mbrojtjes është larguar drejt Italisë.
Për të zgjidhur mosmarrëveshjen në banesën e prindërve të 22 vjeçares kanë vajtur familjarët e dhunuesit të cilët i kanë kërkuar që të kthehet në banesën e saj në Laç duke iu shprehur të dëmtuarës se “ti tashmë je e jona dhe ske si të ndahesh nga djali”
Gjykata cmon se ekzistojne bazat për të besuar se i padituri D.M ka kryer ose ka kërcënuar se do të kryej ndonje vepër dhune dhe se i padituri D.M paraqet kërcënim të drejtëpërdrejtë dhe të menjehershëm për sigurinë, shëndetin dhe mirëqenien e paditëses dhe urdhëron këtë të fundit që ti qëndroje 500 metra larg bashkëshortes dhe vajzës.
