Mungesa e ngrohjes në kopshte dhe shkolla në Lezhë, është shqetësim kyç në këto ditë të ftohta dimri, teksa temperaturat janë disa gradë minus. Drejtoria Arsimore në Lezhë, ia faturon përgjegjësin Bashkisë, duke thënë se ajo ende nuk ka bërë furnizimin me karburant për kaldajat qëndrore dhe drutë për godinat që ngrohen me sobë.
Teksa i ftohti siberian me temepratura nën zero është prezent në vendin tonë, në Lezhë nuk janë shpërndarë ende drutë e zjarrit nëpër shkolla.
Sipas drejtorit të DAR Lezhë, Bardhok Pulaj, në shumicën e shkollave dhe kopshteve të Bashkisë Lezhë mungon ngrohja dhe përgjegjëse për këtë situatë është Bashkia.
Pulaj thotë se në këto kushte vetë mësuesit e nxënësit po kontribojnë për të siguruar ngrohjen.
Bardhok Pulaj: Mirë që nuk ka dru, por nafta duhet të kishte shkuar në ato shkolla ku kanë sistem ngrohje me kaldaja. Jemi përpjekur me mësuesit e shkollave që për të paktën mësuesit e ciklit fillor të krijohen mundësi ngrohje. Në shkolla mësuesit dhe nxënësit e kanë shumë të vështirë të bëjnë mësim në këto temperatura të ulëta.I bëj thirrje publike Bashkisë që shkollat që janë terëisht nën kujdesin e Bashkisë në të gjithë pikëpamjet ekonomike, të jenë më në qendër të vëmendjes së Bashkisë.
Ngrohja në shkollat e Lezhës, ende nuk janë shpërndarë drutë nga Bashkia
