Zbardhet dëshmia e parë dhënë në Polici e autorit të vrasjes së taksistit në Kavajë.
Mësohet se Musa Saraçi, 24 vjeç, banues në Gosë të Rrogozhinës, ka thënë para efektivëve se la dashur t’i marrë makinën taksistit, por më pas e ka kapur paniku nga mendimi se ai mund ta denonconte dhe ai do të përfundonte në pranga.
Para efektivëve i riu e ka pranuar autorësinë e krimit kur tha se e vrava nga frika se mos më denonconte në polici.
Policia ka gjetur pranë makinës edhe rrobat e autorit, qe mbante veshur momentin e vrasjes, teksa makina e taksistit ishte braktisur ne nje varreze makinash ne fshatin Gose.
NJOFTIMI I PLOTE I POLICISE:
Më datë 14.12.2016, në Komisariatin e Policisë Kavajë, është bërë një kallzim mbi largimin nga banesa e shtetasit I. K.
Në orët e vona të datës 15.12.2016, ky shtetas është gjendur i pajetë i goditur me mjete prerëse, në anë të rrugës, në fshatin Greth, komuna Kryevidh.
Grupi hetimor në vendin e ngjarjes ka bërë të mundur zbardhjen e plotë të rrethanave të ngjarjes si dhe identifikimin dhe kapjen e autorit të dyshuar të kësaj ngjarje, shtetasin:
Musa Saraçi, 24 vjeç, banues në Gosë, Rrogozhinë.
Shtetasi I. K., ishte marrë si shërbim taksit nga Musa Saraçi, përpara Spitalit të Kavajës dhe më pas ky shtetas ka humbur dhe kontaktet me familjarët e tij. Dyshohet se në fashatin Greth, Musa Saraçi, e ka goditur me mjete prerëse I. K., dhe më pas i ka marrjë mjetin dhe është larguar.
Në cilësinë e provës materiale është gjendur dhe sekuestruar automjeti tip Mercedes Benz.
Materialet proceduriale u kaluan Prokurorisë së Rrethit Kavajë për veprën penale Vjedhja me pasojë vdekjen, parashikuar nga Neni 141 i Kodit Penal.
