Shërbimi Informativ Shtetëror përfshihet në kërkimet për gjetjen dhe kapjen e Klement Balilit, Escobarit shqiptar të drogës sipas autoriteteve greke. Burime të besueshme konfirmojnë per Droni.al se personi më i kërkuar tashmë në Shqipëri është vënë edhe në shënjestrën e SHISH pas dështimit të policisë për ta kapur atë dhe për shka të mungesës së vullnetit të qeverisë për të shtuar kërkimet per Balilin.
Prej dy ditësh, SHISH ka kaluar në shërbim të përforcuar sidomos në kryeqytet, ku dyshohet se fshihet Klement Balili. Shërbimi Inteligjent po mban në mbikëqyrje të plotë të gjithë familjarët e po kështu edhe miqtë e tij më të ngushtë, shkruan vizion plus ndërkohë që ende nuk ka asnjë të dhënë se ku është vendndodhja e trafikantit të drogës që nga Kodra e Diellit dhe deri në Paskuqan.
Dy janë përpjekjet e Balilit për tu fshehur: e para sipas hetimeve greke Balili kishte ndërruar emrin dhe e dyta ai ka bërë operacion plastik për të ndërruar edhe pamjen.
Ndërkaq SHKB, ka nisur një hetim për dekonspirim të operacioneve. 3 efektivë janë pezulluar nga puna deri në përfundim të hetimeve. 44-vjeçari Klement Balili akuzohet për trafik ndërkombëtar të lëndëve narkotike në Greqi e po ashtu edhe me vendet e BE-së.
Ambasadori amerikan Lu foli ashpër sot për dështimin e arrestimit të Balilit duke i kërkuar zyrtarëve më të lartë të përfshihen në arrestimin e tij. Sipas ambasadorit ata kanë bërë presion që prej 6 muajsh për arrestimin, por sic duket peshqit e mëdhenj nuk kanë pranuar të arrestojnë një tjetër peshk të madh.
Ky është rasti i dytë që SHISH përfshihet në aksione që duhen të kryhen nga policia, pas vëzhgimeve dhe zbulimeve të parcelave më kanabis në të gjithë vendin.Droni.al
