Për Prokurorinë njeriu më i kërkuar i momentit në Shqipëri, Klement Balili, dyshohet të jetë njoftuar nga efektivë policie për aksionet që do të kryheshin në zonën e Sarandës dhe Delvinës.
Për pasojë, krahas hetimit të nisur nga Shërbimi për Çështjet e Brendshme dhe Ankesat për dekonspirimin e aksionit për arrestimin e Kelmend Balilit, një procedim ka nisur edhe Prokuroria e Krimeve të Rënda.
Sipas burimeve të organit të akuzës, mësohet se ka dyshime të arsyeshme se punonjës të komisariatit të Sarandës të kenë njoftuar te ashtuquajturin “Eskobari i Ballkanit” ose të afërm të tij.
Hetimi ka nisur pas disa indiceve konkrete dhe në sitën e hetuesve do të kalojnë tabulatet telefonike të disa oficerëve të policisë. Prokuroria dhe policia kane bindjen se Balili ndodhet ende në territorin shqiptare.
Ndërkohë, specialistë të Shërbimit të Çështjeve të Brendshme dhe Ankesave pritet të verifikojnë veprimet e disa punonjësve të policisë lokale që kanë qenë në dijeni se nga Tirana do të niseshin FNSH-ja dhe RENEA për prangosjen e Balilit.
Dekonspirimi operacioneve për kapjen e Klement Balilit, Prokuroria nis hetimet për policinë e Sarandës
