14-vjeçarja e përdhunuar dje nga i dashuri i mitur dhe dy miqtë e tij akuzoi dje në polici mikun e saj dhe dy të rinjtë e tjerë për përdhunim.
Burimet thanë se për “Panorama” se për shkak të moshës së mitur, vajzës nuk mund t’i merrej deklarim pa prezencën e prindërve dhe të një psikologeje.
Në këtë moment, vajza u është lutur efektivëve që të mos i lajmëronin prindërit pasi ajo ishte larguar fshehurazi nga shtëpia, duke dalë nga dritarja.
Ndërsa më pas ka nisur të tregojë se ishte abuzuar seksualisht nga tre djemtë, me të cilët ajo ka thënë se ishte nisur për të shkuar në një lokal me muzikë.
Burimet thanë se deklarimet e 14-vjeçares A.B. kanë qenë kontradiktore. Fillimisht është shprehur se e kanë përdhunuar të tre djemtë.
Më pas ajo është shprehur se me 17-vjeçarin me iniciale S.D., i cili është i dashuri i saj, ka kryer marrëdhënie me dëshirë, ndërsa dy të tjerët kanë abuzuar seksualisht, pa dëshirën e saj.
Mbrëmë policia shoqëroi në komisariatin e Vorës tre dejmtë ndërsa pas denoncimit ka kryer arrestimin e tyre. Ata janë Seit D., 19 vjeç, Roxherso H., 19 vjeç dhe S.D., 17 vjeç dhe akuzohen për marrëdhënie seksuale me të mitur. Mjekësia ligjore ka përcaktuar paraprakisht se vajza ka kryer marrëdhënie seksuale, por nuk janë konstatuar shenja të dukshme dhune.
Rasti u zbulua rastësisht nga Policia e Tiranës, kur oficerët e Njësisë “Shqiponja” kanë ndaluar një mjet për verifikim në afërsi të Fushë – Prezës.
Në makinën që po lëvizte nga Vora në drejtim të Rinasit janë verifikuar 4 adoleshentë, ku drejtuesi 17-vjeçar është ndaluar sepse nuk ishte i pajisur me patentë.
Por shoqërimi i tyre për verifikim në Komisariat, pas konstatimit të një vajze të mitur në sediljen e parë të mjetit, ka zbuluar edhe abuzimin që ishte bërë ndaj saj nga 3 djemtë.
