Prokurori amerikan me origjinë shqiptare Gjon Junçaj nuk po i ndahet një gjyqi që lidhet me procesin për korrupsion të gjyqtares Majlinda Andrea.
Këtë të hënë ish-gjyqtarja e Gjykatës së Lartë, kërkon heqjen e pezullimit dhe kthimin e saj në detyrë. Në këtë seancë ishte i pranishëm edhe prokurori amerikan me origjinë shqiptare Gjon Junçaj.
Ashtu si në seancën e datës 5 dhjetor, Majlinda Andrea nuk ishte e pranishme, por avokati i saj kërkoi heqjen e masës së sigurimit “pezullim nga detyra’” dhe pavlefshmërinë e përgjimeve.
Trupi gjykues do të shprehet për këtë kërkesë më 19 dhjetor. Gjyqtarja e Gjykatës së Lartë akuzohet nga Prokuroria se ka marrë 50 mijë euro ryshfet. Ajo kishte dhënë një vendim në favor të Ilia Çabirit dhe Eleni Linos, të cilët ishin në një konflikt gjyqësor për një pronë në zonën e Butrintit në Sarandë.droni.al
