Ervis Harun Beu, është qytetari që ka bërë një kallëzim sot në Policinë e Durrësit kundër avokatit Albert Golemi, duke e akuzuar për mashtrim. Siç thuhet në kallëzimin që ka bërë Beu, avokati i ka marrë 20 mijë euro për të nxjerrë nga burgu kunatin e Ervisit, por Gjykata e Apelit të Durrësit i ka rritur masën e dënimit të arrestuarit. Sic thuhet ne kallezimin e siguruar nga Panorama , në këtë kohë avokati nuk i kthen paratë që permes kontrates se bere nje muaj me pare, zotohej se ne rast te mospermbushjes se qellimit per te cilin i kishte marre keto para, do i kthente.
Me avokatin në fjalë, kemi realizuar kontratën e porosisë të datës 5.11.2016, sipas së cilës, i kallëzuari me lëndë, merrte përsipër lirimin nga burgu të kunatit tim, klundrejt shumës prej 20 000 (20 mijë ) Euro.
Shuma në fjalë i është dhënë të liruarit nga ana ime (kallëzuesi) atë ditë, cka pranohet nga vertë i kallëzuari në lëndë, referuar përmbajtjes së kësaj kontrate. Në kontratë është parashikuar se në rast mospërmbushje detyre nga ana e të kallëzuarit, ky i fundit do të duhet të kthene shumën prej 20 000 EU.
Pas mbarimit të gjykimit në APEL, i kam kërkuar të kallëzuarit shumën prej 20 000 EU, por ku i fundit pos dëmit që na solli, rëndimit të dënimit, nuk pranon të kthenë shumën, përkundrazi na kërcënon se do të paraqesë kallëzim ndaj nesh për kanosje, në strukturat e policisë së shtetit, thuhet në kallëzim, shkruan Panorama.
Lirimi nga burgu duhej bërë për shtetasin Kledian Plaku, i cili nga Gjykata e Shkallës së Parë në Elbasan është dënuar me 6 vjet dhe 8 muaj burgim.
