Një doktor australian është shpallur fajtor nga gjykata e vendit për vrasjen e bashkëshortes së tij, duke i injektuar një mbidozë insuline.
“63 vjeçari Brian Crickitt mjek në profesion bëri kërkime në internet për vrasje të qëllimshme me insulinë, përpara se të vriste Christine Crickitt 61 vjeç”, është shprehur Gjykata e Lartë.
Sipas prokurorisë arsyeja se përse ai i dha fund jetës së bashkëshortes së tij ishte marrëdhënia jashtëmartesore që Brian kishte me të dashurën e tij Linda Livermore.
Brian kishte tentuar injektimin e insulinës tek viktima edhe dy herë të tjera në vitet 2009 dhe 2010, citon BBC
“Kërkimet që ai ka bërë në internet lidhur me mënyrën se si mund të vritet një person nga injektimi i një mbidoze insuline, si dhe marrëdhënia jashtëmartesore që i pandehuri në fjalë ka me zonjën Livermore janë dy fakte themelore që e bëjnë atë autor të ngjarjes”, është shprehur gjykatësi Clifton Hoeben.
Brian Crickit do të dënohet vitin e ardhshëm.
