Katër të rinj shqiptarë janë sulmuar dje në Kakavijë nga një bandë duke u grabitur atyre të gjithë shumën e parave ndërkohë që i kanë goditur dhe dëmtuar.
Katër të rinjtë po kalonin në doganën e Kakavijës në mënyrë informale në këmbë kur janë pikasur nga grupi kriminal, sipas joq.
Njëri prej tyre Edison Elezi nga Burreli, 22 vjec ka treguar përmes një miku të tij se kur kanë bërë dënoncimin te policia e Kakavijës këta të fundit u kanë kërkuar q ëtë mos flasin dhe të mos ankohen.
Qysh mbrëmë Edisoni nuk ka asnjë kontakt dhe nuk dihet vendndodhja e tij.
Katër të rinjtë kanë qenë emigrantë ilegalë në Greqi dhe po vinin në Shqipëri. Ata kishin udhëtuar me taksi deri në Kakavijë dhe më pas kanë ndjekur rrugën tokësore për të mos rënë në sy të policisë.
