Mirela Ruko është aktivistja e Lëvizjes për Universitetin e cila ditën e sotme në Samitin e Studentëve të organizuar nga Ministria e Arsimit sulmoi ministren Nikolla në shenjë proteste për reformën në Arsimin e Lartë.
Ruko është 24-vjeçe nga Fieri, aktiviste e Lëvizjes për Universitetin, ka mbaruar vetëm 3 vite bachelor dhe më pas ka ndërprerë studimet për Master, pasi i duhet të punoj për të mbledhur 200 mijë lekë të reja, për të paguar tarifën e vënë pas miratimit të Reformës në Universitetet, këtë të fundit ajo ka qenë ndër zërat që e ka kundërshtuar më fortë.
Mirela Ruko trego në emisionin “Zoom IN” historinë e vështirë të jetës së saj.
“Babi im ka punuar në një punë pa siguracione. Aktualisht im atë ka probleme fizike dhe nuk mund të punojë. Mami im është ajo që kujdeset për të. Duke qenë se nuk ka pasur siguracione, nuk merr asnjë asistencë, apo ndihmë ekonomike, janë dy prindër pa punë, të cilët kanë 3 fëmijë në shkollë.
Gjatë momenteve që unë kam pasur Maturën Shtetërore, prindërit e mi më thanë që unë nuk kisha mundësi të vazhdoja universitetin. Unë qaja, por gjithsesi thosha që unë do të vazhdoj. Dhe kur fitova shkollën prindërit e mi më thanë që kishin marrë lekë borxh që unë të vazhdoj studimet universitare. Unë ja u kisha bërë të ditur prindërve që nëse nuk gjenin mundësi do të largohesha nga shtëpia, për të gjetur një mënyrë se si të vazhdoja shkollën e lartë.
Në vit të parë erdha në shkollë, një vajzë e cila vinte nga një fshat i Fierit, përball një Tirane kaotike. Duhet të gjeja punë, por nuk kisha mbështetje”, është shprehur Mirela.
Më tej studentja rrëfen se ka qenë shumë në vështirësi saqë as lekët për konvikt nuk mundi ti bënte dhe kështu u detyrua të jetoj me disa shoqe në shtëpi me qira.
“Me 50 mijë lekë të vjetra kam ardhur në Tiranë ditën e parë”, shprehet ajo.
Po ashtu në këtë rrëfim të gjatë Marinela tregon gjithë vështirësitë dhe thotë se disa prej shoqeve të saj e kanë ndihmuar me ushqime.
“Babi im kur ka shku për të kërkuar burs është nxjerr jashtë, madje është qëlluar nga Kryetari i Komunës”, rrëfehet me lot në sy, para disa muajsh Mirela Ruko…
VIDEO/ Rrëfimi, jeta e vështirë e 24-vjeçares nga Fieri, e detyroi të lyej Ministren Nikolla me salcë
