Një person u plagos me thikë sot në mëngjes në Durrës ndërsa policia ia doli të arrestonte autorin.
Specialistët për Krimet në Komisariatin e Policisë Durrës pas një pune hetimore intensive dhe të mirëorganizuar kanë arrestuar në flagrancë shtetasin Xhelal Babura 51 vjeç, banues në Durrës.
Krimi ndodhi në lagjen Nr.18, Durrës, shtetasit Xhelal Babura dhe D.B.(komshinj)nën efektin e alkoolit dhe pas një konflikti çasti Babura ka goditur me thikë në krah dhe në gjoks, shtetasin D.B. 30 vjeç.
Efektivat e Policisë kanë shkuar menjëherë në vendngjarje, të cilët kanë bërë të mundur identifikimin dhe arrestimin në flagrancë të autorit.
I dëmtuari ndodhet në Spitalin Ushtarak Tiranë nën kujdesin e mjekëve.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale” Plagosja e rëndë me dashje “parashikuar në nenin 88 të Kodit Penal.
