Policia e Tiranës është njoftuar sonte për të shtëna me armë zjarri ne Qafe Kashar ndërkohë që pas kontrollit nuk është arritur të gjenden gjurmë të personave që besohet se kanë qëlluar.
“Eshtë marrë njoftim në numrin e emergjencave 112, për të shtena me armë zjarri, menjëherë u dërguan shërbimet policore, të cilët nisën kontrollet.
Nga ana e shërbimeve nuk u konstatuan gëzhoja në vendin e njoftuar, pavaresisht se u ndaluan një mjet tek sheshi “Shqiponja”, në të cilin udhëtonin 5 të rinj, të cilët u shoqëruan si të dyshuar në lidhje me këtë njoftim.
U verifikuan dhe u lanë të lirë pasi nuk iu konstatua asnjë send i kundraligjshëm”, njofton policia lidhur me ngjarjen që ende nuk dihet nëse ndodhi.
