Një mega operacion është zhvilluar nga policia italiane në Rimini. Plot 16 persona janë arrestuar, mes tyre shqiptarë, italianë dhe rumunë.
Pas tre vitesh hetime, mediat italiane shkruajnë se, janë arrestuar anëtarët e një organizate ndërkombëtare që merrje me trafikun e drogës. Ata flisnin me kode për të mos u zbuluar, ndërsa droga futej në territorin italian me skafe.
Gjatë operacionit janë konfiskuar 10 kilogramë kokainë, 90 kilogramë heroinë dhe mbi dy ton marijuanë. Droga e sekuestruar gjatë operacionit të koduar “100%” kap vlerën e 5 milionë euro.
