Foto e publikuar më sipër ka fiksuar një moment i 25 viteve më parë në Tiranë. Kërkuesi Kastriot Dervishi ka publikuar një foto që i përket datës 2 tetor 1991. “Ceremonia e ngritjes së flamurit në ambasadën amerikane në Tiranë pas 45 vjetësh, duke shënuar kështu edhe hapjen zyrtare të kësaj ambasade. Në foto i ngarkuari me punë Kris Hill dhe zonja Adam, bashkëshortja e Loni Adamit i cili vdiq gjatë torturave në hetusinë komuniste në vitin 1947. Zonja Adam ishte e vetmja që jetonte nga personat që patën marrë pjesë në uljen zyrtare të flamurit në vitin 1946”, shpjegon Dervishi.
Ndërsa më poshtë Cezar Ndreu ka postuar foton e ambasadës në vitin 1946, pikërisht atë vit kur ajo u mbyll në Shqipëri për 45 vite rresht.
