“Bossi” apo kryeplaku i fshatit Podgorie në Pogradec është vënë në pranga nga policia pasi akuzohet për trafikim të lëndëve narkotike.
Policia ka bërë të ditur se përveç shtetasit Arben Pilinxhi, në pranga janë vënë edhe tre shtetas të tjerë të cilët dyshohen si bashkëpunëtorë të tij në trafik.
Sipas policisë, shtetasi Arben Pilinxhi u arrestua në afërsi të fshatit Hudenisht me 20 kg kanabis.
Aksioni i 10 janarit
Ndërkoëh që më 10 janar të këtij viti kryeplak i fshatit Podgorie, por që merrej me trafik droge, armësh u shpall në kërkim, ndërsa u arrestua djali i tij.
Pas një kontrolli në lokalin dhe shtëpinë e kryeplakut 44-vjeçar Arben Pilinci policia ka zbuluar lëndë narkotike, armë, fishekë, një shumë e konsiderueshme eurosh dhe makina luksoze. Ndaj tij tashmë ka një urdhër arresti ndërsa është prangosur djali 26 vjeçar Orlind Pilinci.
Në operacionin e koduar “Mali i thatë” policia arrestoi Orlind Pilincin me banim në fshatin Podgorie ndërsa shpalli në kërkim babain e tij Arben Pilinci, kryeplak të këtij fshati. 44-vjeçari rezulton se është me precedentë të mëparshëm penale për “vrasje me dashje” dhe armëmbajtje pa leje.
Ky operacion nxorri në pah një skandal ku rezulton se një funksionarë publik i shtetit shqiptarë i paguar nga taksat përfshihet në trafik narkotikësh dhe armëmbajtje pa leje. Pilinci është kryeplaku i fshatit Podgorie në qarkun e Korçës, ndërsa ka mundur t’i shmanget arrestimit duke u larguar nga banesa.
Në lokalin në pronësi të tyre në fshatin Podgorie, në automjetin tip “Ford” me targa AA 450 CA, si edhe në banesë, u gjetën dhe sekuestruan në cilësinë e provës materiale:
1 kg e 70 gr. lëndë e dyshuar narkotike Cannabis Sattiva,
1 armë zjarri pistoletë TT me nr 13034562 ,me krëhër me 6 fishekë,
32 fishekë luftarakë, të kalibrit 9 mm,
8 fishekë luftarakë, të kalibrit 7.62 mm,
10 kapsolla detonatore,
4 thika,
1 automjet tip “Ford” me targa AA 450 CA,
1 automjet tip “Haner” me targa AA 111 JZ,
6500 Euro, 200 000 lekë,
1 aparat metal kërkues, ngjyrë i gjelbër,
1 tavolinë pokeri, me 2 kuti me fisha.
