Vazhdojnë të vijnë lajme jo të mira per dhunen në familje. Një tjetër rast ka ndodhur këtë herë në në një fshat të Belshit. Ku i biri ka ushtruar dhunë ndaj babait të tij, por gjatë kontrollit në banesë Policia i ka gjetur edhe armë dhe municione.
Ngjarja ka ndodhur në fshatin Dragot të qytetit të Belshit, ku specialistë të krimit të Stacionit të Policisë, kanë marrë një informacion në rrugë operative se 31 vjeçari me iniciale E . Ç, ka ushtruar dhunë ndaj babait të tij 68 vjeç. Policia ka shkuar në vendin e ngjarjes dhe pasi ka marrë në pyetje familjarët ka nisur të ushtrojë kontroll në banesë. Gjatë kontrollit, u gjetën dhe u sekuestruan në cilësinë e provës materiale një armë zjarri automatik model 56 si edhe 23 fishekë të armës. Edhe psë familjarët nuk e kanë pranuar se ai ka ushtruar dhunë ndaj të atit, Policia ka shpallur në kërkim 31 vjeçarin i cili akuzohet për veprat penale “dhunë në familje” si edhe “Prodhim dhe mbatje pa leje të armëve luftarake”. Dyshohet se shkak i dhunës së ushtruar ndaj babait ka qenë se ky i fundit nuk ka pranuar ti japë atij para, pasi sipas Policisë herë pas here i riu i kërkonte të atit, por këtë herë siç duket ai është hasur me kundërshtimine tij ndaj dhe e ka dhunuar. Specialistët për Krimet, në Stacionin e Policisë Belsh, bënë referimin e materialeve dhe po punojnë për kapjen e tij.
