Gjykata e Fierit ka lënë në burg nënën, e cila lejoi abuzimin e vajzës së saj nga bashkëjetuesi. Bëhet fjalë për një ngjarje të rëndë, e cila u denoncua para disa ditësh nga vajza 12-vjeçare.
Nëna e saj, Selvi Yzeiraj ka thënë para togave të zeza se nuk ka pasur dijeni për abuzimin seksual.“Nuk di çfarë ka ndodhur mes vajzës sime dhe njerkut. Kam 5 ditë brenda nuk e di çfarë flitet, jam e tronditur”, ka thënë Selvi Yzeiraj.
Ilmi Hoxhaj, 52 – vjeç dhe Selvi Yzeiraj, 40 – vjeçe, të cilët banonin në fshatin Mbyet të Fierit janë arrestuar, pas rrëfimit që e mitura ka bërë përpara një psikologu në polici.
Ka qenë daja i vajzës që e ka shoqëruar mbesën për të bërë denoncimin për kunatin dhe motrën e tij. Ekspertiza mjekësore ka konfirmuar se e mitura ishte e defloruar e hershme.
