Me 35 vjet burg gjykata e Shkodres denoi 31 vjeçarin Aleksandër Dushajn, autorin e vrasjes së dy vëllezerve Shkami ne Postribe te Malesise se Madhe.
Prokurori Simon Pashuku i cili në séancen e vendimit pas transferimit në Lezhë u zevendësua nga Xhevahir Lika, kishte kërkuar më herët dënimin ekstrem atë të burgimit përjetë, por që nuk u pranua nga trupa gjykuese.
Por avokati Albert Keraj rënditi edhe rrethanat cilësuese ndaj klientit të tij, si vetëdorëzimin, bashkëpunimin me drejtësinë dhe pendesen e shfaqur për krimin e kryer, gjë që sipas tij e bëjnë legjitime kërkesen për aplikim të dënimit minimal.
Vetë Dushaj shprehu keqardhjen për atë që ka ndodhur, duke thënë se nuk e kishte kryer qëllimisht krimin, por në situatë të rënduar psikologjike pas sharjeve e fyerjeve që i kishin bërë dy vellerzërit Shkami që nuk pranonin krushqinë. Ai kërkoi mëshirë përpara gjykatës.
