Ambasadori amerikan zgjodhi të bënte sot një deklaratë kërcënuese për deputetët shqiptarë (për ata që nuk do votonin reformën), në sfondin e një proteste që u shit si protestë e shoqërisë civile.
Në fakt në protestë nuk ka qenë aspak shoqëria civile, por kanë qenë anëtarët e organizatave bazë të Partisë Socialiste.
Makineria mediatike e amplifikoi sot mashtrimin dhe theksoi me forcë se kjo ishte një protestë e shoqërisë civile.
Por HashtagAL ka mundur të verifikojë disa nga personazhet më aktivë në këtë protestë sot. Janë të gjithë militantë dhe anëtarë të organizatave të PS-së.
Rezulton se ambasadori amerikan e ka bërë deklaratën e tij të fuqishme në një teatër mashtrues, ai nuk ka folur në një protestë të shoqërisë civile, siç dhe pretendohet, por në një protestë bajate të organizatave bazë.
Ndaj dhe tonet e egra të ambasadorit vlen të merren me rezervë, sepse është njësoj sikur të marrësh seriozisht ndonjë kërcënim të Musa Ulqinit ndërsa flet në mbledhjet e organizatave bazë rilindëse. /HashtagAL
Disa nga protestueset socialiste
– Bardha Barjaba, bashkëshortja e Kosta Barjabës, Njësia-9, anëtare e Asamblesë Kombëtare
– Juli Hoxha, anëtare e Asamblesë Kombëtare të PS-së, e deleguar në Njësinë-5
– Tereza Hoxha, komisionere e PS-së, Njësia-5
– Blerina Doracaj, kryetare e forumit të gruas së PS-së, Njësia-5, anëtare e Këshillit Bashkiak
– Marjana Brozi, anëtare e PS, Njësia-11
