Një diplomat shqiptar në Stamboll tha sot gjatë një interviste në neës24 se analistët në Tiranë janë komplet injorantë. “Janë komplet injorantë flasin pa fakte dhe komentojnë pa ditur”, tha ai ndërsa po fliste për grushtin e shtetit në Turqi.
Konsulli shqiptar në Stamboll, Agron Tare tha se pas grushtit të shtetit besohet se ndodhet Gulen. Grushti i shtetit është i organizuar nga një organizate terroriste tha ai duke sulmuar Gulen pavarësisht se me rezerva.
Ajo që binte në sy nga biseda me diplomatin shqiptar ishte mbështetja pa rezerva për Erdoganin, i indoktrinuar nga ideologjia e Erdoganit dhe tifoz i papërmbajtur i politikave të qeverisë.
Diplomati shqiptar tha se konsullata në Stamboll është në funksion të plotë pavarësisht se pushues në Turqi kanë telefonuar dhe nuk kanë marrë përgjigje.
